ايجارات - أرشيفية
أخيرا أسدل الستار على قانون الايجار القديم وصدق السيد رئيس الجمهورية عليه، وتم نشره في الجريدة الرسمية، الإثنين الماضى، وصدر القانون الذي صدر في أعقاب حكم المحكمة الدستورية العليا الذي قضى بعدم دستورية تثبيت القيمة الإيجارية مع بقاء استمرار بقاء العلاقة الإيجارية، القانون الجديد الصادر برقم 164 لسنة 2025 بشأن تنظيم العلاقة بين المالك والمستأجر في عقود الإيجار القديمة.
جاء القانون كحلقة أخيرة ضمن سلسلة التشريعات المنظمة للقوانين الاستثنائية المنظمة للعلاقة الإيجارية يتم خلالها رفع تدريجي القيمة الإيجارية الثابتة على مدار عدة سنوات تنتهي بانتهاء قانوني لعقود الإيجار الاستثنائية "غير محددة المدة" أو الإيجار القديم، حيث ينص على إنهاء عقود الإيجار القديمة للغرض السكني في غضون 7 سنوات، ولغير الغرض السكني خلال مدة أقصاها 5 سنوات من تاريخ سريانه، مع زيادة تدريجية في القيمة الإيجارية خلال تلك الفترة، فهناك نحو 1،6 مليون أسرة مصرية تسكن في ايجارات قديمة، أي ما يعادل نحو 9،6 مليون مصري.
ماذا بعد إقرار قانون تعديل أحكام إيجار الأماكن الإيجار القديم؟
في التقرير التالى، يلقى "برلماني" الضوء على الإجابة على السؤال ماذا بعد إقرار قانون تعديل أحكام إيجار الأماكن الإيجار القديم؟ وذلك عقب انتهاء قصة قانون الايجار القديم بالتصديق على القانون ونشره فى الجريدة الرسمية، وهو القانون رقم (164) لسنة 2025، بشأن بعض الأحكام المتعلقة بقوانين إيجار الأماكن وإعادة تنظيم العلاقة بين المؤجر والمستأجر، وقانون رقم (165) لسنة 2025، بشأن تعديل بعض أحكام القانون رقم (4) لسنة 1996، بشأن سريان أحكام القانون المدني على الأماكن التي لم يسبق تأجيرها والأماكن التي إنتهت أو تنتهي عقود إيجارها دون أن يكون لأحد حق البقاء فيها – بحسب الخبير القانوني والمحامى بالنقض صالح جمال عمار .
نبرز فيما يلي بايجاز أهم الأحكام التي تناولها القانون – وفقا لـ"عمار":
أهم ملامح القانون:
أولًا: الإنهاء التدريجي للعقود
-الوحدات السكنية: الإخلاء بعد 7 سنوات من تاريخ سريان القانون.
-الوحدات غير السكنية: الإخلاء خلال 5 سنوات.
ثانيًا: نظام الأجرة الجديد
الوحدات غير السكنية (للأشخاص الطبيعيين):
القيمة الإيجارية = 5 أمثال الأجرة السارية
-زيادة سنوية بنسبة 15%
-الوحدات السكنية (مؤقتًا):
-أجرة موحدة مؤقتة: 250 جنيهًا شهريًا
بعد تصنيف المناطق عن طريق لجان بالمحافظات:
-مناطق متميزة: 20 ضعف الأجرة (حد أدنى 1000 جنيه)
-مناطق متوسطة: 10 أضعاف (حد أدنى 400 جنيه)
-مناطق اقتصادية: 10 أضعاف (حد أدنى 250 جنيه).
ثالثًا: حالات الإخلاء الفوري:
-العقار مغلق لأكثر من عام دون مبرر
-وجود وحدة أخرى مملوكة وقابلة للاستخدام بنفس الغرض
رابعًا: البدائل المتاحة للمستأجرين:
-حق الأولوية في الحصول على وحدة بديلة مقابل الإخلاء الفوري.
-الوحدات تقدمها الدولة ضمن برامج الإسكان أو المشروعات القومية.
نصائح مهنية للمحامين – الكلام لـ"عمار":
-راجع نصوص القانون بالكامل وتمييز الأحكام بين العقود السكنية وغير السكنية.
- استوعب آلية تخصيص الوحدات البديلة وآليات "حق الأولوية".
- تابع أعمال لجان الحصر وتصنيف المناطق لتحديد الحد الأدنى للأجرة.
- بادر بتوعية موكليك (مؤجرين أو مستأجرين) بالآثار القانونية الجديدة والخيارات المتاحة.
-حافظ على تحديث معلوماتك المهنية بالتعديلات المحتملة أو اللوائح التنفيذية فور صدورها.
تذكير مهم:
المحاماة ليست مجرد تمثيل قانوني في ساحات المحاكم، بل هي دراية متجددة بالتطورات التشريعية، وتحرك استباقي لحماية الحقوق وتحقيق التوازن في العلاقات القانونية.
إزاى تحسب الإيجار بعد تطبيق القانون الايجارقديم
تم نشر قانون الإيجارات الجديد برقم (164) لسنة 2025
>>الأجرة اللي هتدفع في 1/9/2025 هي 250 جنيه لأي مكان بيدفع أقل من كده... كل اللي بيدفع أكتر من كده هيفضل زي ما هو.
>>لو اللجان اتأخرت في تصنيف منطقتك؛ هتفضل تدفع 250 جنيه زي ماهيا في 1/10 لحد ما اللجنة تعلن التصنيف.. ومن أول الشهر اللي بعد التصنيف؛ الأجرة هتبقى كالتالي:
المنطقة المميزة:
الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 20 ضعف..
مثال: لو بتدفع 65 جنيه كأجرة قانونية، يبقى الحسبة كده: 65×20= 1300 جنيه.
الفرض التاني: أجرتك القانونية مثلا 15 جنيه؛ تبقى الحسبة كده: 15×20= 300 جنيه
ملحوظة: الـ300 جنيه أقل من الحد الأدنى اللي لازم تدفعه اللي هو 1000: يبقى هتدفع 1000 جنيه.
المنطقة المتوسطة
الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 75 جنيه كأجرة قانونية، يبقى الحسبة كده: 75×10= 750 جنيه.
الفرض التاني: أجرتك القانونية مثلا 35 جنيه؛ تبقى الحسبة كده: 35×10= 350 جنيه
الـ350 جنيه أقل من الحد الأدنى اللي لازم تدفعه اللي هو 400: يبقى هتدفع 400 جنيه.
المنطقة الاقتصادية (الشعبيات)
الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 150 جنيه كأجرة قانونية، يبقى الحسبة كده: 150×10= 1500 جنيه.
الفرض التاني: أجرتك القانونية مثلا 15 جنيه؛ تبقى الحسبة كده: 15×10= 150 جنيه
الـ150 جنيه أقل من الحد الأدنى اللي لازم تدفعه اللي هو 250:
يبقى هتدفع 250 جنيه.
الزيادة السنوية 15%
- اعتبارا من 1/9/2026 تبدأ زيادة 15% على الأجرة؛ بمعنى لو بتدفع 1000 جنيه،
هتبقى الأجرة بعد الزيادة 1150 أول سنة،
والسنة التانية هتتحسب على 1150 مش على 1000؛
بمعنى (1150×15) / 100 = 172.5 + 1150 =1322.5 جنيه
- ولما نيجي نحسب زيادة السنة التالته هتتحسب على آخر أجرة اللي هي 1322.5 جنيه
- وهكذا...
ملحوظة: الأجرة القانونية هي أجرة لجان تحديد الأجرة المؤشر بها على العقد من لجان تحديد الأجرة في زمن تحرير العقد القديم أو الثابتة في دفاتر الضرائب العقارية (العوايد)، أو الأجرة اللي حددتها المحكمة بموجب حكم قضائي.
توضيح أكثر: متدفعش الأجرة اللي مكتوبة في العقد ولا الاتفاقية اللي بينك وبين المالك، لكن ادفع الأجرة القانونية بعد ما تضربها في المضاعفات زي ما شرحنا فوق.
