بالفيديو.. توفيق عكاشة: ربنا قال للشعب خدوا بـ"الجزمة" وخلّى اليهود ينتقموا لمبارك

قال الدكتور توفيق عكاشة، عضو مجلس النواب عن دائرة طلخا ونبروه بمحافظة الدقهلية، تعليقًا على زيادة سعر صرف الدولار مقابل الجنيه المصرى ليصل إلى 9 جنيهات فى السوق السوداء، إن هذا الارتفاع غضب الله وانتقامه مما فعله الشعب فى الرئيس الأسبق محمد حسنى مبارك، مرجعًا سبب الزيادة إلى: "الظلم اللى اتظلمه مبارك"، على حدّ قوله.

وفسّر توفيق عكاشة جوانب زيادة سعر صرف الدولار، بالقول: "اللى آلّه الرئيس الراحل عبد الناصر، وأخفض من حجم الرئيس السادات، ثم جاء مبارك فولّع فيه، رغم بما يرضى الله وشهادة حق أحاسب عليها، إن فى 15 سنة من حكم مبارك تفوق فيها على كل من سبقه، بالنسبة للسياسة الداخلية والأوضاع الداخلية، ودى كانت طبيعية، لأن ما كانش فيه حروب وبتاع، فالأقدار والظروف والبيئة السياسية ساعدته، والراجل اشتغل، أنا قلت من سبقه، وما قولتش أعظم من كذا، لأن فى ما هو أفضل ولكن كتر خيره، دى شهادة للحق والتاريخ".

وتابع توفيق عكاشة حديثه بالقول: "بقى اللى قسم البلد نرفع صوره واللى سابها محتلفة نرفع صوره واللى حافظ على ما تبقى من أرض مصر نضربه بالجزمة، يقوم ربك بقى يقولك إيه: سأجازيكم بما تعملون، فيوصلهم الدولار لـ9 جنيه، هو لو ربنا مش سايب اليهود ينفذوا أمره الإلهى فى عذاب الدنيا للأغبياء والجهلاء كانوا هيعرفوا يعملوا حاجة؟ مش هيعملوا، هو لو ربنا مش عايز الدولار يصل لـ9 جنيه حد هيقدر يوصله لـ9 جنيه؟ مستحيل.. إنما ربنا قالهم خدوا بالجزمة عشان الراجل ده صحيح كان عنده أخطاء، وأخطاء كبيرة، لكن مش بالطريقة اللى انتوا عملتوها دى.. ما ينفعش".