الخميس، 28 مارس 2024 11:46 م

الرئيس السيسى خلال افتتاح مصنع "كيما" بأسوان: المواطن استحمل كتير خلال السبع سنين اللى فاتوا.. والدولة تحتاج لموازنة تريليون دولار

الرئيس السيسى خلال افتتاح مصنع "كيما" بأسوان: المواطن استحمل كتير خلال السبع سنين اللى فاتوا.. والدولة تحتاج لموازنة تريليون دولار الرئيس السيسي
الثلاثاء، 28 ديسمبر 2021 02:03 م

أكد الرئيس عبد الفتاح السيسي، أن الدولة المصرية تحتاج إلى موازنة "تريليون دولار"، من أجل توفير الإنفاق المطلوب، متابعا: "إحنا دولة عددنا عاوز تريليون دولار موازنة.. الموجود منه 3 تريليونات جنيه.. 14 تريليون جنيه يتجابوا منين.. مش هيتجابوا.. يحصل انهيار وضغط على المرافق بأسلوب الإدارة".

 

وأضاف الرئيس السيسي، خلال كلمته في افتتاح مشروعات جديدة في الصعيد تعليقا على كلمة وزير النقل: "لما نزهق نطلع نهدها.. ومحدش يطلع يقول الناس بقت مهجرين والبيوت خربت.. والناس تترمى في البحار"، ليرد عليه وزير النقل: "بنقول نتعب ونشتغل ونتحمل سعر الثمن.. ويكون عندنا خدمة مميزة ونظيفة وامنة.. والسعر أقل من وسيلة المواصلة البديلة.. وفاضل موضوع الإشارات لضبط المواعيد.. هقوله تركب الساعة 8 توصل الإسكندرية الساعة 10".

 

 كما تحدث الرئيس عبد الفتاح السيسي عن سعر القصب، قائلا: "النواب قبل موسم القصب يطلبوا زيادة السعر.. والنبى زود السعر شوية.. نواب الشعب على دماغنا.. يا جماعة البرلمان بدل ما تقولى زود السعر.. طب هزود قد ايه 50 -100 جنيه.. انا بقولك على حاجة تزود 20 طن.. يعنى 50 % زيادة".

 

 وأضاف الرئيس السيسي، خلال تعقيبه على حديث وزير الزراعة بحفل افتتاح مشروعات قومية جديدة في محافظات الصعيد: "يعنى الزيادة أكبر والإنتاج أكبر.. لما تقولى الفدان يجيب 65 ألف طن.. طب لا ليه.. ليه مش يكون 70 ألف طن.. صعب ولا عاوز متابعة وحرص وإصرار.. كتير من الكلام بيتقال".

 

وأكد الرئيس عبد الفتاح السيسي، أن الدولة المصرية لم تقترب من سعر تذكرة القطارات إلا بعد التطوير الكامل، قائلا: "قولت يا كامل متقربشى من سعر التذكرة إلا لما تحدث العربيات.. وكل قطارات مصر مفيش عربية ولا جرار جديد.. ومفيش على السكة كلها.. القاهرة والإسكندرية واسوان وبورسعيد.. مفيش قطار واحد قديم.. مفيش على أي خط في مصر عربية قديمة".

 

 

وشدد  أن المواطنين يبحثون عن فرص عمل، متابعا: "المواطنين في أسوان مثلا اللى عاوزين فرص عمل.. طب لو جيت وقولت تعالوا ننزل على 50 ألف كبرنامج قومى لمحافظة أسوان.. وننزل عليهم ونقعد كمسئولين على الأرض دى.. نحولهم للزراعة "شتلات".. الـ 50 ألف فدان دول كلهم شتلات.. ده كده التجربة هتسمع والطريقة هتسمع والناس قاعدة على رؤس الغيطان علشان كده.. زيادة الإنتاجية هتكون 50 % ".

 

وأضاف الرئيس السيسي، تعليقا على كلمة وزير الزراعة: "المواطن أنا مش عاوز منه حاجة.. أنا عاوز أديله وأغنيه.. إحنا سوق متواضع لأن اللى بينتج الفدان 40 طن لما يجبله 60-70 طن لا بقى.. وطب وعلى مستوى المساحة كلها".

 

وشدد على ضرورة اتباع النظم الحديثة في الزراعة، قائلا: "النظام الجديد يزود الإنتاج في الفدان وبالتالي يزود الدخل والإنتاج.. وانت مش دفاع حاجة من جيبك.. فيه فرق بين كلام المكاتب واللى بنعمله على الأرض للناس".

 

وقال الرئيس السيسي، :"إن التسعير نقدر نحله إزاى مع وزارة الزراعة وكنا قلنا يا جماعة حاولوا تقدموا الدعم المقدم للمزارعين الى فلوس تتحط، عاوز أدى للفلاح دعم في شيكارة ولا اثنين طبقا للمعايير المعمول بيها للفدان طيب ما ادهاله دعم نقدى علشان أحرر وأمنع الفساد المحتمل في إدارة المنظومة اللى مشيين فيها".

 

 وتابع : "مش ده التجربة بتاعتنا على مدى 50 سنة ، طيب التجربة دى مش قابلة للتصويب وده معناه ان اللى قابلنا مش كانوا وحشين ..لكن التجربة قالت انها لازم تتصلح..نصلحها ولا نقعد نتفرج عليها..كلموا الناس زى ما انا بتكلم هتجدوا الناس معاكم اكتر مما تتخيلوا.لأن الناس عاوزة المصلحة والمواطن عاوز المصلحة ومصلحة بلده واستحمل معانا السبع سنين اللى فاتوا في إجراءات صعبة جدا لانه حس بفطرته وذكائه ان فعلا فيه محاولة للإصلاح من جانب الدولة".

 

 

وأكد أن الدولة المصرية تسعى للحفاظ على العمالة خلال عملية الإصلاح في قطاع الأعمال، قائلا: "كل النقاش في عملية الإصلاح في قطاع الأعمال شايفين العمالة والحفاظ على حقوقها.. وبنحاول نعمل إصلاح ممكن ندهوس في الناس لا طبعا.. كل إجراء للتصويب والإصلاح لا يمكن يكون على حساب العمال".

 

وأضاف الرئيس السيسي، "العامل ملوش ذنب في عملية الإصلاح.. وبالتالي مفيش إجراء إلا بنأكد الحفاظ على حقوق العمال.. والدولة فقط تتحمل التكلفة.. ومش العامل.. اهل الشر بياخدوا الكلام وبيعملوا عليه.. الإصلاح لن يكون على حساب حقوق العمال".

 


print