الرئيس السيسي: مصر تحتاج إلى موازنة بتريليون دولار.. والموجود 3 تريليونات جنيه فقط

أكد الرئيس عبد الفتاح السيسي، أن الدولة المصرية تحتاج إلى موازنة "تريليون دولار"، من أجل توفير الإنفاق المطلوب، متابعا: "إحنا دولة عددنا عاوز تريليون دولار موازنة.. الموجود منه 3 تريليونات جنيه.. 14 تريليون جنيه يتجابوا منين.. مش هيتجابوا.. يحصل انهيار وضغط على المرافق بأسلوب الإدارة".

وأضاف الرئيس السيسي، خلال كلمته في افتتاح مشروعات جديدة في الصعيد تعليقا على كلمة وزير النقل: "لما نزهق نطلع نهدها.. ومحدش يطلع يقول الناس بقت مهجرين والبيوت خربت.. والناس تترمى في البحار"، ليرد عليه وزير النقل: "بنقول نتعب ونشتغل ونتحمل سعر الثمن.. ويكون عندنا خدمة مميزة ونظيفة وامنة.. والسعر أقل من وسيلة المواصلة البديلة.. وفاضل موضوع الإشارات لضبط المواعيد.. هقوله تركب الساعة 8 توصل الإسكندرية الساعة 10".

وشدد الرئيس السيسي، على أهمية المتابعة الدقيقة لكل الأمور، قائلا: "البلد مبتطلعش كده.. بتطلع بالمتابعة الدقيقة والإصرار والعناد.. محدش هيعيا من الجدية والهمة، لأن ربنا هيحميك.. اللى يهتم بالناس ربنا ميحمهوش؟ لا.. هيحميه ويحافظ عليه ويقويه طول ما انت بتجرى على الناس".

وأضاف الرئيس السيسي: "لازم تعرف ليه البلد دي ضاعت.. بحيرة ناصر كانت بتطلع 80 ألف طن سمك ليه نزل.. وزارة الزراعة متمثلة في هيئة الثروة السمكية الكلام ده مش بحيرة ناصر بس، كمان البردويل والمنزلة وكل البحيرات كانت بتطلع سمك قبل استزراع السمك طيب تقولى لو البحيرات بتطلع انتاجها كنا مش هنحتاج استزراع لا.. كنا هنحتاج علشان الزيادة السكانية".