كتب أحمد خالد
علق أمير مرتضى منصور، على فيديو متداول لشقيقه أحمد مرتضى منصور وصفه نشطاء بـ"الفاضح" بأن "الفيديو ليس به ما يسىء لأحمد خاصة فى ظل هذه الأيام ولن يؤثر عليه فى الانتخابات".
وأظهر مقطع فيديو للمرشح البرلمانى أحمد مرتضى منصور، الذى سيخوض جولة الإعادة فى الانتخابات البرلمانية بدائرة الدقى، نجل رئيس نادى الزمالك وهو يتفوه بألفاظ خارجة فى أثناء لقائه بحملته الانتخابية.
وقال أمير عبر صفحته على فيسبوك: "اللى منزل فيديو لأحمد مرتضى فى التوقيت ده قبل انتخابات الإعادة بكام يوم على أساس أن الفيديو ده هيقلب الموازين الانتخابية أحب أوضح ليه أن الفيديو ده فى انتخابات مجلس الشعب ٢٠١٢، وإيه العيب أو الحرام فى الكلام اللى أحمد قاله.. واحد بيقول اللى قطعلى اليفط والصور بتاعتى هعلقه بعد الانتخابات".
وأضاف أمير "الكلام كان موجه لكل من ٦ إبريل والإخوان لأن فى الوقت ده كانوا متحالفين فى الخفاء، والفيديو ده أحمد كان متهمًا فى موقعة الجمل اللى الإخوان عملوها فى الوقت اللى كان فيه ناس رفعت الراية البيضا للإخوان، والفيديو ده لو هيعكس شىء هيكون أن أحمد راجل ودمه حامى ومبيسبش حقه، والحمد لله إن يوم ما حد بيحاربنا مش بيلاقى ولا رشاوى ولا دعارة ولا مخدرات ولا تخابر".
ووجه نجل رئيس نادى الزمالك رسالة للدكتور عمرو الشوبكى، منافس شقيقه أحمد فى الانتخابات، قائلًا: "لقد نفذ رصيدك بعد ما تحالفت مع الإخوان ٢٠١٢، وكنت من المعارضين المستأنثين الناعمين لهم.. لقد نفد رصيدك بعد ما تورطت فى فضيحة التمويل الخارجى".
وبحسب الفيديو، وجه أحمد مرتضى حديثه لأفراد حملته، مؤكدا لهم أنه ووالده يقدران على "فعص أى حد فى مصر مش بيحترم نفسه"، مضيفًا: "بعد الانتخابات الدكر اللى أطلعى يافته هعلقه.. فى الشارع، احنا عندنا الحمد لله قوة وحصانة تفعص أى حد فى مصر".
وتابع: "انتوا عارفين إن معظم النخبة إن مكنوش كلهم.. فاسدين، أنا كنت دكر أنا وأبويا أيام مكان الدكر لسه فى بيوتهم.. وقلت لعمرو الليثى فى وشه: إنت فلول"، وتداوله النشطاء على أنه فيديو جديد للمرشح البرلمانى.
- حملة أحمد مرتضى منصور: المرشحون المنافسون ضربوا نموذجا للمنافسة الشريفة بالانتخابات
أمير مرتضى منصور ووالده
