بالفيديو.. مرتضى منصور مهاجما فرج عامر: أخبار البسطرمة البايظة واللانشون الحمضان إيه؟
مرتضى منصور وفرج عامر
الإثنين، 15 فبراير 2016 10:00 م
كتب محمد سعودى
هاجم المستشار مرتضى منصور، عضو مجلس النواب، ورئيس نادى الزمالك، النائب فرج عامر، بسبب تأييد الأخير دخول الألتراس المجلس، قائلا: "أوعى تنطق بأن الألتراس يدخل مجلس النواب المحترم.. عايزهم خدهم عندك".
وأضاف مرتضى منصور قائلا: "يا فرج يا عامر.. أخبار البسطرمة البايظه إيه.. طب وإيه أخبار اللانشون الحمضان.. وإيه أخبار العصير اللى انتهت صلاحيته.. أوعى تنطق بأن الألتراس يدخل مجلس النواب المحترم.. عايزهم خدهم عندك.. وعزمتك للنواب المحترمين فى الإسكندرية عشان ينتخبوك ده فيلم هابط قديم".
وتابع: "لو عايز الألترس يدخلوا المجلس المحكمة قالت إنهم مجرمين.. شروع فى قتل وبلطجة.. سيادة الرئيس دول مينفعش معاهم الحوار، واللى عايز يعمل حوار مع الألتراس البلطجى يعمل حوار مع الإخوان".
وتابع: "إزاى أطرد الجمهور اللى بيقف فى نص السنة فى حديقة الفسطاط عشان يدخلوا دول.. أنا حذرت.. وممكن أكون حزين على الأحكام اللى صدرت ضد الأولاد.. بس انتوا ضحية؟ ضحية لمين؟.. لمرتضى اللى مد إيده ودخلكم النادى وحاول يعمل معاكم حوار حب، وقعدت تشتكوا الدولة كلها.. أنتم اقتحتم نادى الزمالك وضربتوا رصاص حى وأصبتوا 3 أشخاص، حتى سرقوا اللى بيصورنى دلوقت".
مرتضى منصور وفرج عامر
