الكلام بيزعل الحكومة.. نائب العجلة: الوزرا كل واحد ماشى بورقتين وسانن أسنانه علينا

هاجم النائب محمد الحسينى، عضو مجلس النواب عن دائرة بولاق بالجيزة، مجلس الوزراء برئاسة المهندس شريف إسماعيل، قائلا: "الحكومة بتسن أسنانها على النواب، وتعمل دائما على رد الفعل، ولا تمتلك خطة، وجميع الوزراء يحملون ورقتين مفادهم القانون بيقول، وأنا ما بتكلمش علشان كلامى هيزعلهم، والواحد فيهم معاه ورقتين ويقولك القانون".

وطالب "الحسينى" - فى كلمته خلال الاجتماع المشترك بين لجنتى الزراعة والإدارة المحلية، اليوم الثلاثاء، لمناقشة مشروع قانون يسمح بزارعة الأرز فى الوادى الجديد بالاعتماد على المياه الجوفية - الحكومة بضرورة تغيير القانون الحالى الذى يمنع زراعة الأرز بالاعتماد على المياه الجوفية للحفاظ على الكمية المتوفرة من المياه، قائلا: "هنزرع أرز علشان الناس الغلابة، واحنا ما بنخافش غير من ربنا، وامنعوا زراعة محصول البرسيم الحجازى علشان مش محتاجينه، هنعمله عصير قصب، يعنى ولازم تغيروا أم القانون الموجود، وأنا لما بشوف فشل الحكومة بصر على تغييرها".

وتابع عضو مجلس النواب عن الجيزة كلمته بالقول: "الحكومة قاعدين فى التكييف ومش حاسة بحاجة، ولا بالناس الغلابة، لازم نغير القانون ونعتبره زى كل القوانين اللى بنغيرها كل يوم والتانى، وبتيجى على المواطن الغلبان، وأطالب باستدعاء الوزراء المختصين فى اللجنة لسماع آرائهم فى هذا الموضوع".