الثلاثاء، 25 يناير 2022 09:59 ص

بعد السخرية ووصف نواب البرلمان بالعاهات وما صدقوا قفشوا الكراسى.. إلهامى عجينة يرد ببيان عاجل.. ويطالب بتوقيع عقوبة مالية.. وممدوح الحسينى: "دول شوية متنطعين مش واخدين على الديمقراطية"

"أبلة فاهيتا" فى مرمى "النواب"

"أبلة فاهيتا" فى مرمى "النواب" "أبلة فاهيتا" فى مرمى "النواب"
السبت، 09 أبريل 2016 09:59 ص
كتبت أسماء زيدان
سخرت كعادتها أبلة فاهيتا من النواب فى برنامج " من الدوبلكس"، ويبدوا أنها على دراية بخطورة ما تقدم حيث وصفت النواب بالعاهات وتفننت فى حصر أخطاء المجلس، لتختتم حلقتها بجملة توضح مدى إدراك القائمين على البرنامج بخطورة ما يقدمون حيث قالت "أشوفكوا بقى الحلقة الجاية لو متشمعناشى".

فبدأت بالسخرية بما وصفته بتزويغ النواب من المجلس، وتظهر الحلقة فيديو للنائب مصطفى بكرى وهو يحاول الخروج من القاعة، والدكتور على عبد العال يوجه له الكلام "اجلس فى مكانك".

مصطفى-بكرى-(2)

وواصلت "فاهيتا" فى برنامجها المذاع على قناة "سى بى سى "، أول أمس الخميس، سخريتها من مجلس النواب قائلة: "مجلس النواب بيقول مفيش حساب واحنا مفيش حد يلحقنا وعلى رأى المثل جبتك يا برلمان تحاسبنى لقيتك يا برلمان مش عايز حساب".

وقدمت أغنية على لحن أغنية "دقوا الشماسى" للفنان عبد الحليم حافظ تقول كلماتها:


"نزلنا شاركنا فى الانتخابات .. فى الانتخابات .. منهم لله ناس اختاروا غلط .. غلط وجابولنا عاهات .. جابولنا عاهات .. شفنا العك فى أول جلسة .. فمنعوا البث فى الجلسات .. ترى بت ترى بت تت تات .. احنا السادة النواب .. ترى بت ترى بت تت تات ..مش عايزين أى حساب .. فتحت الجلسة .. إوعوا تعارضوا عيب عيب .. ماتستدعوشى .. وماتناقشوشى .. خلو المركب تمشى وننجز .. ماتفتوشى .. ما تعارضوشى .. إوعوا تعارضوا أى حكومة أى حكومة أى حكومة .. ولو شايفين الناس مظلومة .. إوعوا تحاسبوا وزير فى حكومة .. أنا هعمل سبوبة من المجلس دى فلوسه جنان .. دى فلوسه جنان .. ويا سلام لو تلغوا ضرايبنا تبقى أحلى كمان ..تبقى أحلى كمان .. قدامنا قوانين مالهاش عد .. الوزرا ياعينى مظلومة بجد ..مش عايزين يجوا ويسأل حد .. يقولوا وزير مع نايب شد .. هنطبطب ونظبط .. مشاكل ليه على الفاضى؟ خلونا نعمل إحنا النادى .. أيوة النايب محتاج نادى .. ونقضيها نوم ده العادى .. مسكوا الكراسى .. قفشوا الكراسى .. قفشوا فى كراسى البرلمان .. دفوا الكراسى .. بنشوف مآسى .. هنشوف مآسى .. هرى بتنجان أى خناقات .. هنشوف مآسى .. يلا يلا ودونى مراسى .. إهدوا إهدوا .. صدعتوا راسى .. نواب بتضرب بالجزم .. مش بالبونيه .. قاعدين يعدوا فى القرانين زى ما هى .. فى خمس أيام كروتوا لينا ييجى 300.. ياحبايبى نفسهم فى باركينج للعربية .. عايزين الأجرة بالساعة مش باليومية .. والتانية بتلم الفلوس رحلة مراسى قفشوا فى كراسى البرلمان .. قفشوا الكراسى .. لو كنت ناسى .. لو كنت ناسى .. إتحل قبلك قد إيه .. شكلك كده ناسى .. لموا الكراسى .. يلا يلا لموا الكراسى هوبا هوبا صدعتوا راسى".

ابله فاهيتا

بعد سخرية فاهيتا من النواب.."عجينة": سأتقدم ببيان عاجل وأطالب بفرض عقوبات على البرنامج


قال النائب إلهامى عجينة، عضو مجلس النواب المستقل بمحافظة الدقهلية، إنه سيتقدم ببيان عاجل للدكتور على عبد العال، رئيس مجلس النواب، ليكون للمجلس وقفة مع الإعلام وليس برنامج أبلة فاهيتا فقط، حتى لا يكتسب شهرة وشرف مناقشته فى مجلس النواب.

الهامى-عجينه

وأضاف عضو مجلس النواب، فى تصريحات خاصة لـ"برلمانى"، أمس الجمعة، أن عنوان بيانه العاجل سيكون استعادة الرقابة من الإعلام للمجلس، مطالبًا بفرض عقوبات مالية عالية على برنامج أبلة فاهيتا لتطاولها على النواب واتهامها لهم بالتربح من المجلس وهذا يعد قذفًا، مشيرًا إلى أنه ضد وقف البرنامج للحفاظ على حرية الرأى والإعلام.

وتابع "عجينة"، "أن فاهيتا تطاولت على مجلس النواب بشكل فج، وهى مثلها مثل معظم برامج التوك شو بيجزئوا الكلام زى ما طالبت بزى رسمى للنواب مسكوا فى المطالبة بملابس محتشمة للنائبات".

وأشار البرلمانى، إلى أنه مع إذاعة الجلسات مرة أخرى حتى لا ينقل عن النواب خطأ غير مقصود، قائلًا: "أنا انتقدت الدكتور على عبد العال وقولتله أحنا معدلناش حاجة فى القوانين اللى اتعرضت علينا ووافقا على تعديلات مجلس الدولة على اللائحة زى ما هى أحنا قاعدين نبصم ولسنا بصمجية لنمرر ما يولى علينا من قوانين وقرارات".

ممدوح الحسينى: القائمين على أبلة فاهيتا متنطعين مش واخدين على الديمقراطية


وفى السياق ذاته قال النائب ممدوح الحسينى، عضو مجلس النواب المستقل بمحافظة الفيوم، ردًا على سخرية الدمية أبلة فاهيتا ببرنامجها فى الدوبلكس من النواب ووصفهم بالعاهات، إن أقل ما يقال على مقدمى هذا المحتوى أنهم شوية متنطعين مش واخدين على الديمقراطية السليمة.

ممدوح-الحسينى

وأضاف عضو مجلس النواب المستقل بمحافظة الفيوم، فى تصريحات خاصة لـ"برلمانى"، أمس الجمعة، أن الناس واخده على الكبت فى المجالس السابقة والنواب بها على غير رغبة الشعب، لكن إحنا محدش بيوجهنا ولا يقولنا اسكتوا انتو واتفاجئوا بنواب جاءوا بثقة الشعب .

وتابع البرلمانى المستقل، أنه كان قبل حلقة أمس، يحترم النقد البناء الذى يسمع أن برنامج أبلة فاهيتا يقدمه حيث أنه لا يتابع البرنامج إنما بهذه الطريقة فهو تراجع عن تقديره لها .

مجلس-النواب


print