الرئيس السيسى: "المرأة سبب أصيل فى حالة النجاح اللى بنعيشها"

قال الرئيس عبد الفتاح السيسي، إن المرأة كانت سببا كبيرا وأصيلا لحالة النجاح اللى احنا بنعيشها ومكونتش ببالغ، خلال الأحداث اللى في العشر سنين اللى فاتت كانت المرأة محركة وصانعة للأحداث.

وأضاف الرئيس خلال احتفالية المرأة المصرية: "لما جينا في برنامج الإصلاح الاقتصادى وبدعمها مررنا ظروف قاسية مرت على الوطن والشعب المصري كله بدعمها ومساندتها، ولولا هذا الدعم، الراجل موجود محدش يفهمني غلط ما أنا راجل برضه.. لكن افتكروا المرأة، افتكروا بإنصاف، أى زوج يفتكر بإنصاف زوجته بتعمل إيه؟، يتفكر كل ابن بإنصاف والدته بتعمل إيه ؟، هنجد أنها أعطت كثيرا جدا".

ويحرص الرئيس السيسي، على حضور الحفل كل عام تقديراً لدور المرأة المصرية، وتأكيداً من الرئيس السيسي دائماً على احترام المرأة المصرية التى تناضل فى كل ميادين الحياة.