مرتضى منصور لـ"جماهير الأهلى": هتقل أدبك هتلاقى لسانى راح شبرا ورجع.. احترمنى احترمك

قال المستشار مرتضى منصور، رئيس مجلس إدارة نادى الزمالك وعضو مجلس النواب عن دائرة ميت غمر بمحافظة الدقهلية - عقب تعادل الزمالك مع وداى دجلة فى المبارة التى أقيمت بينهما اليوم الأحد - إن الرياضة مكسب وخسارة وتعادل، وإنه سعيد جدًّا بالطريقة التى لعب بها فريق الزمالك.

وأضاف "منصور" - فى لقاء تليفزيونى عقب اللقاء - قائلا: "أداء لاعبى الزمالك كان كويس ومحترم، ما شفتهوش من زمان، لأنه كان بيلعب بطريقة جماعية، وجه فيه هدف وضربة جزاء وما حدّش اعترض، وأنا قولت لهم العبوا برجولة وطلعوا كل طاقتكم، وده مش تدخل منى لكن برفع من روحهم المعنوية".

وتابع رئيس مجلس إدارة نادى الزمالك: "وبعدين سواء فوز أو خسارة أو تعادل ده توفيق من ربنا، لكن ما دام بنلعب بإخلاص، ومش عايز تخسر لآخر دقيقة، هو ده فريق السنة اللى فاتت، الزمالك لو لعب بالروح دى فى ماتش الأهلى، أعتقد إن النتيجة كانت هتبقى مختلفة تماما"، متابعا فى تعليقه على مباراة اليوم: "أنا سعيد بولادنا وسعيد إنى نزلت لهم بين الشوطين عشان أرفع من روحهم المعنوية، وقلت لهم انتم رجالة وتقدروا تدخلوا جون فى الشوط التانى، وفعلا ده حصل".

وعن هجوم جماهير الأهلى عليه والسخرية منه، قال مرتضى منصور: "لو قلت لى صباح الخير يا أستاذ مرتضى، أقولك صباح النور يا باشا، ولو لسانك طول هتلاقى لسانى راح شبرا ورجع تانى".