النائب حسنى حافظ: "بعض الإعلاميين مثل حاملى الحطب..وقناة الجزيرة عمرها ما هتنضف"

قال النائب حسنى حافظ: "إنه يسمى بعض الإعلاميين الذين يثيرون الفوضى "حاملى الحطب" عشان يولعوا أى حاجة فى البلد".

وتابع "حافظ" خلال الجلسة العامة للمجلس، اليوم الأربعاء: "الإعلامى من دول لما أى حد يروحله من أعضاء مجلس النواب، ويقول مصر بخير مبيجيش تانى، زى قناة الجزيرة اللوجو بتاعها الأصلى بينزل فى البحر عشان يتغسل ليل ونهار لمدة عشرات السنين ومش بينضفوا".

واستطرد: "مش عايزين ندى الناس دى المادة ويكون عندهم فكرة ضد المجلس قبل ما يبدأ، هؤلاء لديهم غل وحسد وخايفين أن المجلس ياخد الريادة، وأنا موافق على القانون من حيث المبدأ، والإعلامى عشان تنجح برنامجك توقع مصر، لا انت ولا غيرك تقدر توقعها وعمرها ما هتقع".