الرئيس السيسى: "كل كلمة اتقالت فى مسلسل الاختيار كانت واقعا حقيقيا".. ويؤكد: الجيش تعرض للتهديد المباشر 3 مرات قبل 30 يونيو

 

وأضاف الرئيس السيسى، خلال كلمته فى احتفالية عيد الفطر بحضور أبناء الشهداء: "اللى عملتوا كان جزء كبير منه هو لصالح الأبطال والشهداء اللى ضحوا علشان خاطر مصر تعيش.. عاوز اقولكم على حاجة تاني.. ليكم ولكل الناس.. قولنا ان التاريخ مش نسيبه لحد.. والله والله والله احنا كنا حريصين على أن يسقط ولا يحصل تصادم – فى إشارة إلى ثورة 30 يونيو.. اللى عملتوا وسجلتوا وطلعتوا للناس والله دي الحقيقة.. الحقيقة".

 

 

وتابع الرئيس السيسى: ""لكل ولاد وبنات مصر.. أسر الشهداء والمصابين.. يبقوا عارفين هل الأزواج والأباء والأبناء سقطوا فى معركة طغيان؟!.. لا.. احنا مطغناش.. ولم نعتد.. حاولنا وكل كلمة اتقالت دى كانت عبارة عن واقع نقلتوه.. لكل الناس.. علشان الولاد الصغير دول لما يكبروا ولما يقولوا ابناء الشهداء والابطال اللى حافظوا على البلد دي.. محدش يزيف ويشوه تاريخهم.. ويضيع قيمة اللى هما عملوا".

 

 

وأكمل الرئيس السيسى: "شوفتوا قد ايه عمل درامي بألف كتاب.. وبألف ساعة.. حوار انتوا متعرفوش انتوا عملتوا ايه.. تصدقوا بالله حتى البيان اللى اتكتب فى 2013.. كنا حريصين على عدم الصدام.. لا قولنا عزل رئيس.. ولا قولنا فيه جماعة إرهابية ولا أي حاجة.. حتى البيان اتكتب بس مش ياخد باله.. بقول الكلام ده لكم.. حرصنا لأجل خاطر الحقيقة والصدق والأمانة.. وأنه مش تتشوه القيمة الكبيرة اللى عملها المصريين فى 2013". 

 

 

وقال الرئيس السيسى: "حاولنا حاولنا كتير اوي.. لحل المسألة من غير مواجهة أو صدام.. لكن للآسف.. الادعاء والتشويه والشائعات.. محدش عاوز يفكر يا تري اللى اتقال كان حقيقة ولا حتى نص حقيقة.. ابدا.. ربنا يكفينا أهل الشر.. وبقول للمصريين كل سنة وانتم طيبين.. وخلي بالكم من بلدكم.. خلى بالكم من بلدكم". 

 

 

وتابع الرئيس السيسى: "الكلام ده لو فيه حد فى موضعى يرفض يتعمل وهو موجود.. بس قولت علشان كل كلمة وموقف.. ميبقاش فيه كذبة واحدة"، واستشهد الرئيس السيسي بحديث النبي صلى الله عليه وسلم: "وإنَّ الرَّجُلَ لَيَصدُقُ حَتَّى يُكْتَبَ عِنْدَ اللهِ صِدِّيقًا، وَإِنَّ الرَّجُلَ لَيَكْذِبُ حَتَّى يُكتَبَ عِنْدَ اللهِ كَذَّابًا".

 

 

وقال الرئيس السيسى: "المسلسل ده.. فيه مشاهد لأجهزة الأمن ده حجم قليل من جهد اتعمل فى أصعب وقت.. ومازلنا حتى الآن.. بتكلم عن وقائع خاصة بالدولة"، متابعا: "الموضوع حصل فيه تهديد مباشر للجيش.. اتعمل 3 مرات قبل ثورة 30 يونيو.. مرة اتعمل مع المشير الراحل حسين طنطاوي الله يرحمه.. وكان أنه لو الانتخابات والنتائج طلعت غير الرئيس الله يرحمه مرسي يبقى البلد هتوقع.. والمرة التانية لما خيرت الشاطر هدد الجيش والبلد.. وقال احنا نقدر زى ما حرقنا بتاعت الأمن الوطنى ونقدر نعمل محاكمة شعبية ونحاكمهم".

 

 

وتابع الرئيس السيسى: "قسما بجلال الله 45 دقيقة.. 45 دقيقة.. خيرت الشاطر يعملي بايدي كده "فى إشارة للتهديد بالسلاح".. ويقول هنقتل ونجيب من كل حتة.. هنولع الدنيا.. أنا بقسم بالله.. البعض بيقول ما تطلعونا الحاجات دي.. أنا أقسمت بالله"، متابعا: "رد الفعل على المسلسل ده عمل حالة من الاستنفار الشديد من جانبهم.. ادعاء وتشويه وزيف.. بيعملوا كده.. 7 سنين لم أذكرهم مرة.. كنت أقول أهل الشر.. اهل الشر.. علشان أدي فرصة لأهل الشر للتراجع".

 

 

 

وفى نهاية كملته قال الرئيس عبد الفتاح السيسى: "انا بشكركم.. ولسه الدور مخلصش.. الدور كدراما ومسلسلات فى بناء وعى حقيقي .. وعى حقيقى للبلد على اكتفاكم وعلى عقولكم.. وانا اتصور أن المسلسلات دى كانت كاشفة لذوق وعقل المصريين.. كل الناس لم يختلف اتنين على مسلسل الاختيار".. وباسمى وباسم كل الناس.. شكر جزيلا وكل سنة وأنتم طيبين".