انتشرت فى الفترة الأخيرة لافتات إعلانات بشوارع محافظة الجيزة بعنوان "نشترى الدواء بنصف السعر مع رقم الهاتف " ويأتى ذلك بعد ارتفاع اسعار الأدوية الطبية بعد قرار تعويم الجنيه وتحرير سعر الصرف الذى أدى إلى ارتفاع اسعار مواد الخام المصنعة منها الأدوية .
الأمر الذى جعل شركات الأدوية يهدد بوقف العمل فى حالة عدم موافقة وزارة الصحة لرفع سعر الأدوية مما أجبر وزارة الصحة للانصياع لهم وإصدار قرار برفع اسعار الأدوية هي 15% من الأدوية المحلية و 20 % من المستوردة.
رصدت كاميرا "برلمانى "أراء المواطنين عن ارتفاع اسعار الأدوية اختفاء أنواع منها بالسوق وكذلك رأى فى بيع دواء بنصف السعر : قال عبد ربه محمد عامل نظافة :"يعنى أنا دلوقتى عندى عيل عايز عملية فى رجليه وأنا مرتبى 1000 جنيه فى الشهر هعمل العملية إزاى واللى زيى هيروحه فين ..كل الأسعار ارتفعت مش الأدوية بس "
أضافت مواطنة أخرى :إحنا عندنا حالة تعبانة وبنصرف مصاريف كتير على الأدوية ومع ارتفاع الاسعار مش عارفين نتصرف إزاى ومش لاقيين العلاج وبنضطر نشتريه من السعودية ..يعنى الحالة لو مش معاها فلوس تجيب ..تموت ."
أشار أشرف حجازى الذى يعمل سائق تاكسى :"أسعار الأدوية زادت بسبب ضريبة القيمة المضافة وفيه صيدليات وشركات أدوية جعلت العلبة فيها شريط برشام واحد بدل من شريطين "
قالت أم طارق بائعة جرائد :"حرام الغلابة اللى زينا مش بيتعالجوا بيموتوا ..الغلابة اللى زينا مش لاقين والله العظيم أنا عندى روشتة كنت بشترى الأدوية بتاعتها ب500 جنيه دلوقتى ب900 جنيه كتير ما اشتريتهاش لأن مش معايا ..ربنا يلطف بينا لو مرحمناش ربنا ماحدش يرحمنا ".
اعلانات الادوية
.jpg "اعلانات (1)")
.jpg "اعلانات (2)")
.jpg "اعلانات (3)")
