النائبة غادة عجمى: "البلد مش هتقف ودى رسالة للجميع خاصة من لهم أغراض"

وجهت غادة عجمى، عضو مجلس النواب عن المصريين فى الخارج، رسالة إلى الشعب، مؤكدة أن مصر تتعرض لمؤامرات داخلية وخارجية.

وأضافت النائبة عن المصريين فى الخارج، عبر لقاء على قناة "صوت الشعب" عقب خطاب الرئيس أمام البرلمان: "عايزين نبنى مصر ونساعد فى بناء مصر مع الرئيس ومع الحكومة ومع كل مصرى شريف، وأننا كنواب نشعر بالمسئولية ودفعة وقوة وسوف نعمل جميعًا شبابًا ومرأة ورجالًا داخل البرلمان على قلب رجل واحد".

واستطردت غادة عجمى: "المؤامرة كبيرة داخليًا وليس خارجيًا فقط، والرئيس السيسى ذكر إنجازات فى موجز صغير لكن المفروض أن يكون لدينا وعى للقادم، هذه الأيام توجد حرب مباشرة وغير مباشرة، وبقول للشعب المصرى لازم نبص لقدام ومش عشان موقف صغير نوقف البلد.. البلد مش هتقف ودى رسالة بقولها للجميع خاصة الأشخاص الذين لهم أغراض، بقولهم إحنا وراها وخارطة الطريق اكتملت وإحنا وراء الرئيس والحكومة والبلد، واللى فكره أو يتخيل إنه ممكن يقف ويثير الشكوك تانى فلا ستات قبل رجالة وشباب قبل كبار فى السن، ويجب على الجميع أن ينسوا خالص أن تعاد هذه الفترة ينسوا خالص، الرسالة دى لكل حد انسوا خالص، إنكوا تدخلوا وتعملوا ومؤامرات وحاجات الرسالة توصل لكن البلد مش هتقف".