30 يونيو كارت مرتضى فى خناقة عمرو.. منصور: عايز تخش الانقلاب ليه؟ ولو راجل انزل الدقى
مرتضى منصور وعمرو الشوبكى
الإثنين، 22 أغسطس 2016 12:21 ص
كتب أيمن رمضان
أعرب النائب مرتضى منصور، عضو مجلس النواب عن محافظة الدقهلية ورئيس نادى الزمالك، عن حزنه الشديد بسبب مواقف خصومه الذين يهاجمونه فى الخفاء ولا يقبلون مواجهته على الهواء وأمام الراى العام، قائلاً: "أنا زعلان وحزين على اللى عاملين رجالة وبيستخبوا تحت السرير وقت الجد، كنت أتمنى من إللى واجعين دماغنا وبيجعجعوا كل خمس دقائق إنهم ينفوا اللى بقوله، تبقى جبان يا شوبكى لو اتكلمت لما أمشى ومش رجال ولو راجل تعالى وأنا موجود".
وتساءل مرتضى منصور - خلال حواره مع الإعلامية إيمان عز الدين، مقدم برنامج "90 دقيقة" المذاع عبر فضائية "المحور"، اليوم الأحد - عن سر تمسك عمرو الشوبكى بدخول البرلمان الحالى والذى يعبر عن ثورة 30 يونيو، متابعًا: "عمرو الشوبكى بيقول على 30 يونيو انقلاب، عاوز تخشه ليه؟ بتوع الانقلاب أشرف من اللى قبض، عمرو الشوبكى بيطالب بمحاسبة الدولة المصرية على فض اعتصام رابعة، وماضى على بيان الانتخابات الرئاسية المبكرة، كفاية بقى، قرفنا، ولو انت راجل انزل امشى فى الدقى أو العجوزة وسط الناس يا توتو".
مرتضى منصور وعمرو الشوبكى
