حوار إيمان على
ينفرد "برلمانى" بنشر أول حوار مع محمود عبد العزيز، رئيس مجلس إدارة الشركة القابضة للصوامع، والمسؤول عن الشون والصوامع التى أثير حولها قدر واسع من الجدل خلال الفترة الماضية، من خلال لجنة تقصى الحقائق البرلمانية حول الفساد فى منظومة توريد القمح، مؤكّدًا أنه أصابته الدهشة من قرار اللواء محمد على الشيخ، وزير التموين والتجارة الداخلية الجديد، بتكليف على عزام بمهام عمله، معتبرًا أنه أخذ توصيات لجنة تقصى حقائق القمح رغم أنهم لا حق لهم، وإلى نص الحوار...
.jpg "اللواء محمد على الشيخ وزير التموين تصوير كريم عبد العزيز 7-9-2016 (3)")
-ما تعليقك على قرار الإقالة؟
الوزير خد بكلام النواب بتوع تقصى حقائق القمح، هو ما كتبش إقالة، هو اتقال تكليف على عزام، وده قرار غريب شوية، ونواب اللجنة ما لهمش حق.
-وما ردك على اتهامات "لجنة تقصى حقائق القمح" لك؟
مفيش أى حد ليه حق عندى، شخصيًّا مفيش حاجة تمسنى أنا، ومفيش حاجة أتحاسب عليها، وأنا مختلف معاهم لأنهم حسبوا السعة التخزينية للصوامع كاملة.
.jpg "لجنة تقصى حقائق فساد القمح تباشر عملها بشونةاسيوط كريم عبد العزيز 18-7-2016 (22)")
-إزاى يعنى؟
حديث مغلوط، صومعة سعتها 1000 طن مثلا، 50% منه قمح مستورد موزعة على 3 خلايا من أصل 6، ومن ثمّ يمكن وضع قمح فى باقى الخلايا، وليس فى نفس الخلية التى تحتوى على قمح مستورد.
-وما ردك على ما قيل عن وجود توريدات وهمية فى صوامع القمح؟
أنا كنت مكلف لجنة كاملة لمتابعة لجان الاستلام والتسلم والرقابة وأوضاع القمح فى الصوامع والشون، وأنا ما قصرتش فى شغلى.
-هل تتوقع استدعاء النيابة لك؟
هيحاسبونى على إيه؟ ده أنا لسّه جاى قبل موسم القمح! أنا ما عملتش حاجة غلط ومفيش حاجة تمسنى.
-ولكن من يتحمل المسؤولية إذن؟
مفيش اتهامات موجهة ليّا غير إننا ليه ما اكتفيناش بالسعات التخزينية وأجرنا؟ والكلام ده ما حصلش، إحنا ما أجرناش غير لما كان ما عندناش سعات تخزينية تكفى، ومش أنا المسؤول برضه، أنا مشكل لجنة برئاسة عضو مجلس إدارة وتحته 20 عضو، لمتابعة العملية من أولها لآخرها، وبعدين ده إحنا كنا لسّه جايين، هو إحنا لحقنا نعمل حاجة؟!
.jpg "تابع جولة محافظ القاهره 31-5-2014 تصوير حازم عبد الصمد (1)")
-هذا معناه أنك ترى أن المخالفات المذكورة والمسؤولية عنها لا تعود عليك؟
لا تعود على اللجنة بكاملها، وتعود على من ورائها من المكلفين بالعمل عليها.
-وما ردك على الحديث عن وجود صوامع بها "سوس"؟
هو فيه قمح مش بيتصاب بالسوس؟! كله بيتصاب بيه، وفيه حاجة اسمها تبخير وغربلة وتهوية، وتتاخد عينة من القمح للاختبار عشان التأكد من إنه صالح ولّا لأ، ومش بيتطحن غير لما بيكون صالح، وبيحصل كشف دورى على القمح، ودى حاجة من آلاف السنين.
-وما ردك على الحديث عن محاباة شركات القطاع الخاص على حساب العام فى توريد القمح؟
فيه تعليمات جت لنا بوقف الصرف لأماكن معينة، بعد التخوف من اللغط اللى حصل، وبعدين وجود عجز فى أى شونة إذا ثبت بيدفع تمنه بالسعر اللى تحدده هيئة السلع التموينية.
.jpg "1 (5)")
-ما رأيك فى إقالة الدكتور خالد حنفى وزير التموين السابق؟
الصراحة وزير التموين اتظلم، وبعدين هى السنين اللى فاتت ما حصلش فيها أخطاء يعنى؟! وكمان فيه 11 موقع من اللى لجنة تقصى حقائق القمح زارتهم وقالت إنه فيهم عجز، ثبت لدى الإدارة من خلال التسوية الصفرية إنه مفيش عجز.
رئيس "القابضة للصوامع": أنا مليش دعوة
