من الذاكرة.. ننشر فيديو مداخلة هاتفية للرئيس السيسى مع أسامة كمال

قبل ساعات من إذاعة حوار الرئيس عبد الفتاح السيسى مع الإعلامى أسامة كمال مساء اليوم الجمعة، ينشر "برلمانى" أول مداخلة هاتفية للرئيس مع أسامة كمال فى برنامج القاهرة 360 ، المذاع على قناة القاهرة والناس، والتى كانت فى 4 ديسمبر 2014.



وكان أسامة كمال يستضيف غادة والى، وزيرة التضامن الاجتماعى، ومنعم سعد الدين، لاعب فريق كرة السلة لذوى الاحتياجات الخاصة، الذى دعا السيسى على الهواء مباشرة للقدوم إلى الاستاد لمشاهدة مباراتهم .

وقال السيسى فى مداخلته: "احنا بنتكلم على دولة، والدولة لما ترعى مواطنيها، ده جزء من واجبها، صحيح يمكن تكون الظروف الاقتصادية ماتخليناش نعمل كل اللى إحنا عاوزينه أو كمان اللى إحنا بنتمنى نعمله لهم، لكن أنا بقولك إحنا كنا بنجرى فى كل المشروعات اللى بنعملها، وبيبقى الهدف القدرة على خدمة أبناء مصر وطبعا اللى على رأسهم ذوو القدرات الخاصة مش هقول الاحتياجات، فأنا مش عايز أقول كلام مرسل كده، لكن إحنا على الأقل هنحاول ننفذ بكل ما لدينا من قدرة وبإرادة حقيقية للدولة على الأقل كل ما أقره الدستور، فالدستور يعنى وضع لفئات المجتمع وعلى رأسهم الفئة دى، حقوق لابد إن إحنا نتحرك ولابد إن إحنا نتحرك".