السيسى: "مؤسسة الرئاسة كان فيها تجاوز من شهور وأصريت على محاكمة المتجاوزين"

قال الرئيس عبد الفتاح السيسى، إنه منذ بضعة أشهر اتصلت به الرئاسة، وأخبروه بوجود تجاوز فى مؤسسة الرئاسة، متابعا: "آه فى تجاوز"، قالولى: "طب نلم الدور"، قلت: "لا والله يتحاكموا.. اللى يغلط يتحاسب".

وأضاف السيسى خلال كلمته اليوم الخميس، أثناء افتتاح عدد من المشروعات بمدينة بدر: "بحلف بالله قلت هذا الكلام اللى يغلط يتحاسب وده لا يؤثر فى حد ولا جهة ولا وزارة ولا أى حتة تانية"، مؤكدا "مفيش مجال للمحسوبية والمجاملة دلوقتى.

وتابع الرئيس قائلا: "أنا أصدرت 3 توجيهات من قبل وبالأمس أصدرت توجيها رابعا مفيش جاحة اسمها "معرفة الرئيس". مضيفا: "موتى وسمى المحسوبية، وإن حد ياخد حق أكتر من حقه.. حقك هتاخده على دماغنا من غير ما يكون ليك حد ".

وأوضح السيسى، مفيش حاجة اسمها مجاملة لمخلوق البلد بلدنا كلنا، وكلنا ناخد فيها بما يرضى الله وبالقانون وبس"، وطالب الرئيس عبد الفتاح السيسى، بعدم وجود اختلاف بين عناصر وأطياف المجتمع المصرى مؤسسات الدولة وأجهزة الدولة.

وأضاف السيسى: "مش محتاجين نختلف أبدا كلنا واحد وأرجو كلمتى تصل للجميع "الدولة والمؤسسات والإعلام، كلنا هدفنا مصر بلدنا ونتجاوز أى حاجة ممكن نختلف عليها".

وتابع الرئيس عبد الفتاح السيسى: "خلونا نتكلم على دولة بجد دولة مؤسسات دولة قانون تبقى ماشية علينا كلنا ومحدش فينا هيبقى فوق القانون من أول مؤسسة الرئاسة فما دون ذلك، لأنه من غير لائق أن يكون هناك من هو فوق المساءلة".