نائب لوزير التنمية المحلية: محافظ البحيرة ما راحش موقع حادث رشيد.. هو مش نازل من فوق

هاجم النائب فتحى الشرقاوى، عضو لجنة الإدارة المحلية بمجلس النواب، الدكتور محمد سلطان محافظ البحيرة، وبعض المسؤولين التنفيذيين، بسبب عدم التحرك السريع لانتشال جثث ضحايا مركب رشيد، قائلا: "لو اللى ماتوا حيوانات كانوا أنقذوهم فى الغرب، وإحنا عندنا عشرات الشباب ماتوا ومحدش اتحرك".

وأضاف "الشرقاوى" – فى كلمته خلال اجتماع لجنة الإدارة المحلية بمجلس النواب، اليوم الثلاثاء - أنه ينتقد موقف وزير التنمية المحلية الدكتور أحمد زكى بدر، متابعًا: "بقول والوزير موجود معانا فى الاجتماع، محافظ البحيرة والقيادات قاعدين فى مكاتبهم تحت التكييف، ومش بيردوا على التليفونات، وفيه 45 جثة الأهالى مش عارفين يدفنوها، وكلمت المحافظ ورد بعد نص ساعة وقال لى أعمل لك إيه".

وتابع عضو لجنة الإدارة المحلية كلمته بالقول: "محدش اتحرك غير لما رئيس الجمهورية اهتم واتكلم فى الموضوع، ومستنيين الناس كلها تموت، وأنا هعمل استجواب بالموضوع ده"، ليردّ وزير التنمية المحلية الدكتور أحمد زكى بدر، مؤكّدًا أنه لا يوجد أى تقصير، وأن محافظ البحيرة ومحافظ كفر الشيخ ذهبا إلى مكان الحادث بمجرد الإبلاغ عنه وتم اتخاذ جميع الإجراءات.

من جانبه، عقّب النائب فتح الشرقاوى على كلام الوزير، قائلاً: "الوزير بيقول إنى كلامى منافى للحقيقة، إذا كان المحافظ يوم الجمعة كلمته هو ووكيل وزارة الصحة وما بيردوش، وقلت المحافظ نزل وهو ما نزلش، هما مش ملايكة وإحنا الشياطين يعنى، الناس كانت عايزة تستلم الجثث علشان تدفنها، مش عايزين يقعدوا فى المستشفى، وما شوفناش هناك لا المحافظ ومسؤول تانى، وهو نازل من فوق يعنى".

ورد المهندس أحمد السجينى، رئيس لجنة الإدارة المحلية، قائلاً: "بطمّنك، المجلس هيتناول الأمر ده بكل ما أوتى من أدوات رقابية وتشريعية، ولن نمرر هذه المأساة دون حل جذرى"، مطالبًا النائب بعدم الخروج عن موضوع الجلسة الذى يختص بمناقشة أزمة المجتمعات العمرانية الجديدة والمحليات.