"بكري" مطالبًا الحكومة بحل مشكلة تعطيل قانون البناء: الناس بتشتكي وتعبانة

قال الإعلامي مصطفى بكري، عضو مجلس النواب، إنه هناك مواطنين في الصعيد اكتووا بالغلاء، ويشكو أهالي سوهاج من مسألة المباني وتعطيل قانون التصالح على مخالفات البناء، مضيفًا :"الناس بتقول ليه وقفتم حالنا في البناء، ليه ساكتين لغاية دلوقتي".

ناشد مصطفى بكري الدكتور مصطفى مدبولي، رئيس مجلس الوزراء بحل مشكلة تعطيل قانون البناء، مردفا: "هذا التعطيل تسبب في كوارث في البلد، والناس بتشتكي وتعبانة، وأنا بستغرب الرجل ماشي زي الصاروخ انتوا بتفرملوا الدنيا ليه، بنتكلم عن الجهاز الإداري اللي مش عايز يتحرك واللي بعيطل الناس في المصالحات، يا بتوع المحليات براحة على الناس، وترجموا مقولات الرئيس ومتزعلوش الناس من الدولة أكتر من كدا، وأنا بتكلم خوفا على البلد".

وطالب مصطفى بكري الحكومة بتنفيذ توجيهات الرئيس عبد الفتاح السيسي، لصالح المواطنين والتخفيف عليهم، لافتا إلى أن تعليمات الرئيس السيسي دائما توجه بالوقوف إلى جانب المواطن.