كتب محمود حسين
هاجم النائب محمد الحسينى، عضو لجنة الإدارة المحلية بمجلس النواب، المستشار القانونى لشركة الأسواق المصرية، قائلا له: "حكم ضميرك ربنا هيحاسبك.. إنت مش جاى هنا عشان تستف ورق..إحنا لجنة صنايعية".
جاء ذلك خلال اجتماع لجنة الإدارة المحلية بمجلس النواب، المنعقد الآن، برئاسة المهندس أحمد السجينى، لمناقشة طلب الإحاطة المقدم من النائبين أحمد العرجاوى ومحمود رشاد حبيب، بشأن عدم استغلال شركة الأسواق المصرية لمساحة الأراضى المخصصة لها كسوق بمدينة أبو حمص محافظة البحيرة وتسعى لبيعها مما يؤدى إلى انتشار الباعة الجائلين فى الشوارع.
وقال "الحسينى" لمستشار الشركة: "إنت راجل مستشار قانون، انت مش جاى تستف ورق أمامنا لا حكم ضميرك ربنا هيحاسبك عليه، وانت متقولش لممثل الحكومة بتتكلم ليه دا ممثل محافظة وبيمثل الحكومة وانت لو بدلت المكان معاه وقعدت مكانه أقسم بالله مش هتقول نفس كلامك".
وتابع النائب: "لو المسألة بتستيف الورق فيه ناس تقدر تسرق مصر لكن بالضمير لا، وبعض الموظفين المرتشين ضيعوا مصر".
