خالد صلاح لـ"بسمة وهبة": الرئيس السيسى أشرف واحد فى مصر

أكد الكاتب الصحفى خالد صلاح رئيس مجلس إدارة وتحرير"اليوم السابع"، أن موقفه واضح فى الوقوف مع الرئيس عبد الفتاح السيسى، قائلا "مش هخونه أبدا".

 

وأضاف خالد صلاح،" أول واحد يجى مع مصر فعلا من قلبه هو عبد الفتاح السيسى، أقسم بالله أشرف واحد فى مصر ومصريين كتير عارفين".

 

وتابع خلال لقائه ببرنامج شيخ الحارة والمذاع عبر قناة القاهرة والناس مع الإعلامية بسمة وهبة،"الرئيس السيسي أشرف راجل فى مصر أقسم بالله، وأنا بقوله أنا مصدقك يا فندم والمصريين كلهم عارفين ده راجل بيميز الناس، ومفيش حد ليه علامة عليه ومفيش حد بيكسب لما بيقول كلام حلو ولا بيخسر لما بيقول كلام وحش عليه، لكن هذا الرجل رفع أهم شعار وأهم استراتيجية وهو تثبيت الدولة المصرية، وهذا الشعار أنا مؤمن بيه وأكافح علشان يتنفذ".

 

وأضاف خالد صلاح، أن كافة الإجراءات التى يقوم بها الرئيس عبد الفتاح السيسى حاليا، لإصلاح أخطاء 50 عاما مضت، وكل الإجراءات على قسوتها لو اتعملت سنة 77 أو أيام مبارك لم نكن نصل للمصيبة اللى إحنا فيها، ربنا يوفقه وعليه ضغوط كتيرة ومستحمل".