فى خطاب استمر 38 دقيقة، هنأ الرئيس عبد الفتاح السيسى، الشعب المصرى والعربى والإسلامى بمناسبة ذكر المولد النبوى الشريف، وتحدث فى خطابه عن عدد من الملفات من بينها الإجراءات الاقتصادية والخطاب الدينى والمؤامرات الخارجية على مصر، وكرم عددا من علماء الأزهر والأوقاف، ونرصد أهم 50 تصريحا من خطاب الرئيس.
1. أتوجه بالتهنئة لشعب مصر والشعوب العربية والإسلامية بمناسبة ذكرى المولد النبوى الشريف.
2. ينتظرنا طريق طويل من العمل الشاق والأمل والصبر والتطلع والجلد لاستكمال مسيرة رسولنا الكريم.
3. التركيز على جانب واحد من قضايانا لن يجدى نفعا ولا بد أن نقارب بين كل القضايا.
4. خطابنا الدينى انفصل عن الإسلام والعلماء أجمعوا على احتياجنا لتجديد الخطاب الدينى.
5. هناك من أخفوا نوايا الشر تحت غطاء مقدس لتبرير إرهابهم والعقاب آت لهم ولا ريب فيه.
6. الأديان كلها يتم انتهاكها وليس الإسلام فقط، والشباب بدأ يكفر بفكرة الأديان.
7. الخطاب الدينى أهم قضايانا على الإطلاق وتحدثت لوزير الأوقاف عن خطبة الجمعة وأهميتها.
8. نحتاج لتشكيل لجنة من كبار علم الاجتماع والنفس والدين ونضع خارطة طريق لإعادة صياغة فمهنا للدين.
9. كل التقدير والاحترام لخطيب الجمعة لكن الأمة يعاد صياغتها.
10. والله سنسأل وأنا أتحدث عن الخطاب الدينى لثالث مرة.
11. الخطبة الموحدة اختزال لتطوير الخطاب الدينى.
12. لو فاكرين حاجة غير إنى بحب شيخ الأزهر والأزهر تبقى مصيبة.
13. جديتى فى الحديث عن الخطاب الدينى غضبة فى الله.
14. الشهر الماضى كان فى رهان عن إن الدولة دى راحت خلاص.
15. إحنا بنبنى وبنعمر وإذا كان يرضى ربنا يبقى اللى يقدر على ربنا يقدر علينا.
16. عمرنا ما تآمرنا على حد ولا هنتآمر ولا قتلنا ولا هنقتل ولا خنا ولا هنخون. وهنفضل نبنى ونعمر ونصلح وإذا كان ده يرضى ربنا يبقى اللى يقدر على ربنا يقدر علينا.
17. رؤية مصر للشرق الأوسط تقوم على احترام سيادة الدولة الوطنية والتكاتف للقضاء على الإرهاب ومعاملة تلك الجماعات بمعيار واحد دون تفرقة.
18. نعلم جميعا أن قرارات الإصلاحات ليست نزهة أو مهمة سهلة وإنما مشقة وصبر وبدونها نستمر فى إضعاف أنفسنا وصولا للتوقف التام.
19. نقود تحولا ضخما يسير على خطى مدروسة ولا نطبق أجندات نمطية بل خطط مدروسة وعلمية.
20. نفتح بلادنا للاستثمار الجديد.
21. لن نتوانى عن مكافحة الفساد بعزم وحزم.
22. تحية للرقابة الإدارية على جهدها.
23. نحن نواجه الفساد بجد ودائما حريصين على استخدام آليات القانون لعدم خلق مظالم جديدة
24. كلنا لا بد أن نواجه الفساد وليس مؤسسات الدولة وحدها.
25. أرسل كل شهر جواب من الرئاسة للوزراء بأنه مفيش مجاملات ولا محسوبية لأحد.
26. والله العظيم لم أحابى أحدا حتى أولادى فى شغلهم.
27. فين المسؤول وثقته بنفسه وبربه ويقبل إزاى إنه يحابى ويجامل.
28. أكررها تانى عشان أقول لربنا يوم القيامة أنا قلت مرتين مفيش مخلوق يتجامل عشان قريب من الرئاسة ولا الوزراء لأن ده فساد برضه.
29. كلنا زى بعض وكل واحد ياخد حقه بس مش أكتر من كده.
30. نسمع صوت ألم الإصلاح الحقيقى ونشعر به ونواجهه بشبكات الحماية الاجتماعية.
31. الدولة بكافة أجهزتها تبذل قصارى الجهد لتوفير حياة أفضل لكل مصرى.
32. لن ينال من عزيمتنا المشككون وسنستكمل ما بدأناه.
33. الظروف صعبة والأسعار غالية بس احنا اتأخرنا كتير أوى فى الإصلاح.
34. نعبر ترعة صغيرة دلوقتى وننجح ولا ننتظر ونعبر بحر عمرنا ماهنقدر نعبره
35. كان أمامى اختيار أبدأ الآن ولا أأجلها لغيرى وأنا عارف إنها لو اتسابت كده هتضيع.
36. والله ما كان فى اختيار تانى غير اللى بنعمله دلوقتى.
37. الـ6 سنين اللى فاتوا تكلفتهم كتير أوى علينا وإحنا بندفعهم دلوقتى.
38. المرتبات ارتفعت من 80 مليارا لـ230 مليارا من غير موارد جديدة تغطى الزيادة.
39. الـ150 مليارا فى المرتبات كلها سلف واقتراض واستلفنا 900 مليار فى 6 سنين .
40. خاطبت الحكومة لتخفيف الأعباء عن الفئات الأقل دخلا لتحمل الظروف الصعبة.
41. الدولار لن يستمر بسعره الحالى لأنه ليس السعر الحقيقى.
42. نعطى أنفسنا فرصة 6 أشهر ونضمن للمواطن خلالها الأسعار الثابتة للسلع المهمة.
43. مصر تنتج يوميا 5 أرغفة خبز ×90 مليون مواطن وتكلفة الرغيف 60 قرشا.
44. رغيف الخبر المدعم لم ولن يمس.
45. الكل كان مراهن الشهر الماضى إن الشعب هيتحرك.
46. كل التحية والتقدير لشعب مصر لأنه الدنيا كلها كانت محتارة ليه الشعب المصرى متحركش.
47. الشعب المصرى عظيم ووقف جمب مصر وحافظ عليها مش عليا أنا.
48. كان صعب عليا وأنا بسمع كلمة "إحنا هنقلب البلد دى".
49. كان صعب عليا وأن الأجهزة بتقولى إن فيه دول بتصرف عشان تخرب البلد وتهدها وأنا بقولهم سيبونا فى حالنا وإحنا نبقى كويسين.
50. أدعوكم لاستلهام صفات النبى العظيم وحكمته وصبره على المكاره والشجاعة والثقة فى الله.
50 رسالة من خطاب الرئيس
