ميدو يفجر مفاجأة: مرتضى قالى بلاش باسم مرسى وكهربا يلعبوا ماتش سموحه عشان معمولهم عمل

أكد أحمد حسام "ميدو"، المدير الفنى السابق لنادى الزمالك، أن مرتضى منصور استدعاه قبل مباراة الزمالك وسموحه بـ72 ساعة، قائلا: "مرتضى استدعانى وكنا كاسبين فى 4 متشات وقعدنا فى بيته وطلب منىطلبى عمرى ما شوفته ولا سمعته عنه".

وأضاف ميدو خلال لقاء تليفزيونى ببرنامج القاهرة اليوم الذى يقدمه الإعلامى عمرو أديب: "مرتضى قالى من فضلك يا كابتن ميدو ماتلعبش باسم مرسى وكهرباء الماتش الجاى عشان معمولهم عمل وهيتفك الأسبوع الجاى"، متابعًا: "بصيت لحازم وانا مش مصدق نفسى.. رئس النادى بيقولى متلعبش حد عشان فى اعمال.. أنا سمعت أن الراجل بيفكر بهذا الشكل.. وفاكر أن الناس بتعمل سحر للاعيبه وبتشيله وده بيأثر عليهم".