نائبة عن حادث "كافيه مصر الجديدة": لابد من عزل المحافظ ورئيس الحى كفاية الشعب مستحمل الغلاء غصب عنه

طالبت غادة صقر، عضو مجلس النواب، بضرورة وقف فساد المحليات، مؤكدة: "ده مش موضوع سهل ومش المفروض إنه يمر مرور الكرام، ده مش إهمال لكنه حاجة ترتقى لمرتبة التخريب العمد والإضرار بالبلد.. مش كفاية إن الشعب مستحمل الغلاء غصب عنه".

وتساءلت غادة صقر: "فى كام كافيه فى مصر لتوكيلات أجنبية ومرخصة زى كوستا كافيه، وغيره، بتدفع ضرائب ومرخصة وبتقدم خدمة كويسة، التوكيلات، وفى كافيهات بتفتح من غير رخص ولا ضرائب، ده يضر باقتصاد البلد، خصوصًا إن مسؤولى الحى وافقين وبيقبضوا عادى".

وقالت النائبة البرلمانية، إن قضية مقتل الشاب بأحد مقاهى حى النزهة بالقاهرة، يجب أن يعزل فيه المحافظ ورئيس الحى كأقل عقاب، مضيفة "لازم يكون فيه عقاب، مش مجرد موظف بسيط تعفيه من منصبه ولا توقع عليه جزاء، الكافيهات دى عالم خفى تديره مجموعات من البلطجية ومسؤولين حى وموظفون بيقبضوا وبياخدوا إتاوات شهرية عشان يغمضوا عنيهم.

وتابعت النائبة: "لازم مصارحة مع الشعب ويطلع المسؤول ويقر بالغلط ويقول إحنا هنعمل كذا وكذا، ولازم رئيس الحى يتحاسب ويبقى فى نيابة ومحاكمة وسجن علنى، أنت كمسئول مش مدرك إن الفساد ده بيعمل إيه فى الشعب".