عضو "رياضة البرلمان": أى نائب هيسافر الجابون ويجى ياخد بدل من المجلس هفضحه

اعتبر الدكتور محمود شحاتة عضو لجنة الشباب والرياضة بمجلس النواب، رغبة عدد من أعضاء البرلمان السفر للجابون إهدار للأموال، قائلاً: "يدفعوا للمستشفيات اللى مش لاقيه علاج للغلابة اللى على الأرصفة، والناس اللى بتدور فى القمامة على فضلات الأكل".

وتابع "شحاتة" فى تصريح خاص لـ "برلمانى" قائلا، اوعى أى نائب يسافر ويجى ياخد بدل السفر الــ 5 آلاف جنيه.. هفضحه، بلاش هيصه وركوب الموجة، ونسفر ناس ونعمل زى ماتش الجزائر.. اللى بيحب مصر بلاش هيصه، خلينا نجيب الكاس إن شاء الله بهدوء، اللعيبة عارفين أن ٩٠ مليون بيدعوا لهم ويشجعوهم وهم متعودين على اللعب بدون جمهور".

جدير بالذكر أن ثروت سويلم كشف المدير التنفيذى لاتحاد الكرة أن تكلفة السفر إلى الجابون لحضور نهائى كأس الأمم الأفريقية الذى يجمع مصر والكاميرون يصل إلى ألف دولار عبارة عن تذكرة الطيران ودخول المباراة.