الجمعة، 29 مارس 2024 07:24 ص

عصام الفقى: رواتب المستشارين وفائدة الدين والدعم لغير مستحقيه شوكة فى جسد الموازنة

عصام الفقى: رواتب المستشارين وفائدة الدين والدعم لغير مستحقيه شوكة فى جسد الموازنة عصام الفقى عضو لجنة الخطة والموازنة بمجلس النواب
الأربعاء، 21 ديسمبر 2016 06:08 ص
كتب مصطفى النجار
أكد عصام الفقى عضو لجنة الخطة والموازنة بمجلس النواب، أن الشوكة فى جسد الموازنة العامة للدولة هى "فائدة الدين"، قائلًا: "كل سنة تزيد 48 مليار جنيه، وبلغت السنة الحالية 292 مليار جنيه وهذه الأرقام بعد إطلاعى على بنود الموازنات السابقة، وقلت لوزير المالية عايزين نحل مشكلة فائدة الدين، وأقول إن الوزير اللى يقدر يحل المشكلة يتعمل له تمثال ولابد يكون فى حلول لها".

وأضاف الفقى، فى تصريحات لـ"برلمانى"، أنه طرح مع الدكتور حسين عيسى رئيس اللجنة فكرة "استبدال الدين"، أى يعنى البنوك الاستثمارية التى لها دين داخلى على الحكومة تأخذ بدلًا منه حصة من الشركات أو أسهم من شركات معينة "مش هنقول تستبدل كل المديونية فقط 50% من الدين المستحق".

واستطرد عضو لجنة الخطة والموازنة: "لكن بعض المصرفيين بيعترضوا بحجة أنهم مش هيعرفوا يشتغلوا وهتقل السيولة النقدية فى البنوك، طب هو مش احنا كده بنحل مشكلة للدولة، لأن ثلث الموازنة العامة عبارة عن فائدة دين، ولو اتحط فى مشروعات استثمارية هتبقى الدنيا كويسة، مش 300 مليار جنيه فى السنة استثمارات حلو؟".

وأوضح أن الدعم يبلغ العام الجارى 210 مليار جنيه، لكن "الغنى بيستفيد من الدعم أكثر من الفقير، وفى وسيط بين الحكومة والمستحقين وهو واخد نصف الدعم مثل تجار السلع الغذائية والبقالين وأصحاب اسطوانات الغاز ومصانع الغاز بياخدوا دعم من الحكومة وبيوصلوا بأغلى من السعر، والغنتى يستفيد من الدعم اكثر من الفقير يعنى لو واحد عنده عربيتين ملاكى 1500 جنيه دعم بنزين وبيتسخسر فى المرأة المعلية والأرامل والفلاح".

وحول رواتب المستشارين ومكافأتهم، قال النائب عصام الفقى:"الحكومة لازم تفهم إن المستشارين والمفوضية أيضًا مينفعوش فى بلد فقيرة وعايزة تنهض وعايزه قرارات سريعة وجريئة ، اى اننا ناخذها لتخفيف على موازنة الدولة، وكنت بتكلم عن ضم الصناديق الخاصة لموازنة الدولة منعا للانحراف والمكافات والحوافز التى تصرف بدون وجه حق وليس لاى شئ اخر،
كنت بأطالب بتنقية بطاقات الدعم من 6 أشهر، ورفع 30 مليون بطالقة لغير المستحقين ونزودها على الراجل الغلبان فى الشارع، لكل من يتجاوز دخله 10 آلاف فى الشهر بعد الزيادة الاخيرة، ونلحق نفسنا ونروج على مستحقين الدعم يبقى كده شغالين صح لكن احنا رفعنا الاسعار وسبنا اللى قاعدين ، هيصبر شهر واتنين وتلاته وهيحقد على الدولة ويسرق".


print