أحمد مرتضى: "اللى زى الننى هما اللى بيغيروا الأوطان ونفسى الشباب يسترجل ويبقى زيه"

أبدى أحمد مرتضى منصور، عضو مجلس النواب، وعضو مجلس إدارة نادى الزمالك، سعادته بما وصل إليه اللاعب المصرى محمد الننى بعد احترافه فى نادى أرسنال الإنجليزى، وقال أحمد مرتضى فى تصريحات لـ"برلمانى": "لازم نستفيد من تجربة الننى، ونتأكد أن أى شخص بيتقى ربنا فى شغله ربنا بيكرمه، وأى حد بيشتغل جد ربنا بيكرمه".

مضيفا فى سياق إعجابه بما حققه اللاعب وما وصل إليه من مستوى: "اللى زى الننى هما اللى بيغيروا الأوطان، وإن الله يحقق نجاحا كبيرا فى أرسنال ويروح برشلونة كمان، ويجب أن نتعلم من تجربته فى كل شئون حياتنا وليس فى الرياضة فقط، موضحا: "لو كل موظف ولو كل لعيب ولو كل فنان بقى عنده طموح الننى ومثابرته وجديته فى العمل، مصر هتبقى أفضل دولة".
وعن التجارب الاحترافية لعدد من اللاعبين الذين لم يكملوا مشوار احترافهم، قال أحمد مرتضى: "الننى مش محتاج نصيحة، اللعيب اللى يوصل للمكان ده يبقى أكيد عارف طريقه كويس، اللى أنا عايزه من الشباب إنه يعرف إزاى يسترجل ويبقى زيه".

وكان اللاعب المصرى محمد الننى قد وقع عقد احتراف مع نادى أرسنال الإنجليزى أحد أكبر الأندية العالمية، بعد مشوار صعب فى كرة القدم بدأ باستغناء النادى الأهلى عنه لنادى المقاولين العرب، والذى أثبت فيه الننى مهارته، وخرج منه محرتفا إلى نادى بازل السويسرى ومنه إلى نادى أرسنال.