صلاح حسب الله لـ"25 ـ30": "الدفاع عن الغلابة مش بالصوت العالى.. وكلنا خدامينهم"

قال النائب صلاح حسب الله، عضو ائتلاف دعم مصر، ردا على نواب تكتل (25 ـ 30)،  إن الانحياز للغلابة ليس بالصوت العالى واختطاف الجلسة والكلمة.

وتابع "حسب الله"، فى كلمته خلال الجلسة العامة للبرلمان، المنعقدة الآن: "للأسف البعض يعتقد إنه واخد حق الدفع عن الغلابة حصرى، المجلس كله جاى بأصوات الغلابة وبيعبر عنهم وبيدافع عن حقوقهم، ومحدش فينا جاى من طبقة ارستقراطية، ولما حد يتكلم من دعم مصر ولا من مصريين أحرار ولا أى كتلة يتهمه بأنه غير وطنى ولا يخدم الغلابة..كلنا هنا خدامين للناس الغلابة".

واستطرد "حسب الله": "عندنا 35 مليون عامل وموظف فى الدولة المصرية منهم 6 مليون موظف فى الجهاز الإدارى للدولة، ونفس المجلس دا هو الذى أصدر قانون الخدمة المدنية وفيه المادة 74 المطابقة للمادة خمسة فى قانون العلاوة، إحنا عايزين العدل فى كل شىء، مش محاولة اختطاف لفئة على حساب فئة أخرى".