ميدو متحديا "مرتضى منصور": قولت عليا "بسكر" عشان ماشتغلش..طيب أن هتدرب وهتشوف

قال أحمد حسام "ميدو" المدير الفنى السابق لنادى الزمالك، أن فيريرا المدير الفنى الأسبق لنادى الزمالك، أكد أنه لن يأتى إلى مصر مرة أخرى بسبب معاملة مرتضى منصور معه، مضيفا:" وقولت عليا "بسكر" عشان ماشتغلش.. طيب أن هتدرب وهتشوف".

وأضاف ميدو خلال لقاء تليفزيونى ببرنامج القاهرة اليوم الذى يقدمه الإعلامى عمرو أديب، قائلا :"فيريرا خرج من مصر وقال لا يمكن أرجعلها تانى بعد اللى شافه من مرتضى منصور لأن قال عليه أنه كاذب وخمورجى.. هو كل الناس بتشرب خمره عندك؟!"

وتابع :"تقول عليا أنى سكران هو كل هدفك انى ماشتغلش فى حتة تانية طيب هتشوفنى.. وأنا هدرب يا مرتضى.. ولما كنت بروح النادى سكران يا مرتضى جبتنى تانى ليه؟! وتحايلت عليا وانأ فى الاسماعيلى انى امسك الزومالك ليه؟ هو كل الناس اللى بتختلف معاها خمورجية وشمال".