أكمل قرطام يكشف لـ"برلمانى": "كنا بندى أسماء "فى حب مصر" للأمن عشان يسألوا عليها"

كشف المهندس أكمل قرطام، رئيس حزب المحافظين والنائب عن ائتلاف دعم مصر، أن سبب انسحابه من قائمة "فى حب مصر" وقت الانتخابات كان لعدم وجود شفافية فى بعض الأمور.

وأضاف قرطام فى حواره لـ"برلمانى": "السبب الرئيسى كان فى 2 من حزب المحافظين قدموا فى القائمة، وخدوهم مستقلين وهم أعضاء فى الحزب، ومحدش قالى، إنما بعد كده اللجنة التنسيقية، كلمونى وقالولى الحل ما زال موجود، ممكن تزود الأعضاء، وزودتهم بقوا 5 أعضاء بالقائمة".

وتابع: "لو كان الأمن تدخل فى القائمة يبقى تدخل من غير ما أنا أعرف، لكن وقتما كنا نشكل القائمة أيام الدكتور كمال الجنزورى، كنا بنديهم الأسماء علشان يسألوا عليهم، وارد بقى يقولك طب ما تاخد الاسم ده، هو ممكن يعرض عليك اسم، لكن القرار للجنة التنسيقية".