ميدو: "مرتضى هاجمنى لما باسم وكهرباء ضيعوا انفرادين وقالى أنت هتضيع الزمالك يا بيه"

قال أحمد حسام "ميدو" المدير الفنى السابق لنادى الزمالك: "إن باسم مرسى وكهربا شاركا فى مباراة الزمالك وسموحة، وفى أول 7 دقائق ضيعا الاثنان فرصتين من نصف المعلب".

وأضاف ميدو خلال لقاء تليفزيونى ببرنامج القاهرة اليوم الذى يقدمه الإعلامى عمرو أديب، قائلا: "لما باسم مرسى وكهربا ضيعوا انفرادين من نص الملعب افتكرت كلام مرتضى منصور لما قالى بلاش تلعب دول لأن معمول لهم عمل ".
وتابع :"قعدت ابص لحازم إمام وقول ميهمكش مرتضى منصور عنده حق.. ومكنتش مصدق نفسى.. وقعدت جنب حازم وقولتله يمكن كلام الراجل ده موجود فى الكورة، وكان مرتضى كان قريب منى بتلاتة متر ولما الكورة ضاعت من باسم وكهرباء قالى شوفت يا بيه شوفت ماسمعتش الكلام يا بيه..أنا قولت لك انهم معملوهم عمل ..أنت هضيع نادى الزمالك يا بيه"، مشيرا إلى أنه لم يعط اهتمام لكلامه".